剃 頭 大 師 驚 魂 記 編劇： 鄭吉竣（刊佇海翁台語文雜誌62期2007.02）
人物：引言者、A大師、B大師、C大師。
場景：剃頭店。
道具：剃頭的道具（鏡、招牌、椅仔、圍巾－垃圾袋仔、耳夾仔－夾菜夾仔、剃頭刀－剪花剪仔、耳屎－皺紋紙、高速公路佮橫貫公路－十字的白紙枋）
引言：各位貴賓，逐家好。今仔日我欲講一個「剃頭大師驚魂記」的故事予逐家聽，請恁斟酌聽：「一個剃頭的欲去予剃頭的剃頭，看著剃頭的予剃頭的剃頭，剃頭的煞毋敢予剃頭的剃頭。」（超快速的盤喙錦）
我的故事講了矣，多謝各位。（行一下禮，假影欲落台。看著台跤的觀眾聽甲霧煞煞。）
真歹勢，我講了傷緊，害逐家聽攏無。無，我擱來講一擺：「一個剃頭的欲去予剃頭的剃頭，看著剃頭的予剃頭的剃頭，剃頭的煞毋敢予剃頭的剃頭。」（仝款是超快速的盤喙錦）（觀眾仝款是霧煞煞）
恁仝款聽攏無？規氣來請三位同學搬戲予恁看好啦！
A大師：全世界上爻（gau5）剃頭，擱上爻A錢的剃頭大師著是我，所以逐家攏叫我「A大師」。（做照鏡的動作）嗯！頭毛哪會發甲則長矣！聽講最近佇總統府的邊仔新開一間剃頭店，師傅是對美國來的，來去予伊剃看覓。
B大師：本大師是對「米國」來的剃頭師，因為我上爻食了米，所以逐家攏叫我「米國大師」。啊…！誠好睏（做拄睏醒伸勻、揉目睭的動作）。哼啊！中晝十二點矣！（看手錶仔）昨暝食八碗飯，即陣擱咧枵矣，緊來食飯，食飽通好來開店門做生理矣。
C大師：全世界上爻飲（lim1）茶，擱上爻C C的剃頭大師著是我，我一工愛飲一大桶的水，放一萬C.C的尿，所以逐家攏叫我「C大師」。聽講有一個美國大師誠爻剃頭，來去予伊剃看覓。
B大師：食飽矣（摸腹肚），開店做生理囉！（做探頭看外口叫人客的動作）
人客啊！入來坐喔！（C大師行入來）
C大師：美國大師！請汝共我剃即碼美國上時行的頭毛型。
B大師：好！無問題。「即聲汝知死矣！」（細聲仔講佇喙內）
C大師：哼啊！汝講啥？
B大師：無！無！無！無代誌。（開始圍巾仔、做剃頭的動作）
B大師：頭剃好勢矣！（佇C大師頭殼頂，貼十字的白紙枋）
即碼，欲共汝清耳屎矣喔！
C大師：好！好！好！多謝。（開始清耳屎）
B大師：即位大哥，汝是偌久無清耳屎矣！（共皺紋紙夾懸懸予觀眾看）
C大師：自出世到即碼50歲矣，攏毋捌清過。
B大師：喔！莫怪喔！這是汝的耳屎啦！提轉去做紀念品。
（即時陣，A大師拄好行來到店口，惦惦徛佇窗仔門邊，看美國大師咧共人客剃頭。）
A大師：哼啊！佇頭殼頂開一條高速公路，擱開一條橫貫公路，恐怖哦！緊來走啊！伊…伊伊伊……。（走離開）
（引言者、A大師、B大師、C大師做伙出場）
引言：拄才即個故事是講：「一個剃頭的（A大師），欲去予剃頭的（B大師）剃頭，看著剃頭的（C大師），予剃頭的（B大師）剃頭，剃頭的（A大師），煞毋敢予剃頭的（B大師）剃頭。」（慢版的盤喙錦兼比動作）
多謝各位。（四位做伙行禮、落台。）
（註：即齣話劇改編自蘇晏德先生的盤喙錦。）
人物：引言者、A大師、B大師、C大師。
場景：剃頭店。
道具：剃頭的道具（鏡、招牌、椅仔、圍巾－垃圾袋仔、耳夾仔－夾菜夾仔、剃頭刀－剪花剪仔、耳屎－皺紋紙、高速公路佮橫貫公路－十字的白紙枋）
引言：各位貴賓，逐家好。今仔日我欲講一個「剃頭大師驚魂記」的故事予逐家聽，請恁斟酌聽：「一個剃頭的欲去予剃頭的剃頭，看著剃頭的予剃頭的剃頭，剃頭的煞毋敢予剃頭的剃頭。」（超快速的盤喙錦）
我的故事講了矣，多謝各位。（行一下禮，假影欲落台。看著台跤的觀眾聽甲霧煞煞。）
真歹勢，我講了傷緊，害逐家聽攏無。無，我擱來講一擺：「一個剃頭的欲去予剃頭的剃頭，看著剃頭的予剃頭的剃頭，剃頭的煞毋敢予剃頭的剃頭。」（仝款是超快速的盤喙錦）（觀眾仝款是霧煞煞）
恁仝款聽攏無？規氣來請三位同學搬戲予恁看好啦！
A大師：全世界上爻（gau5）剃頭，擱上爻A錢的剃頭大師著是我，所以逐家攏叫我「A大師」。（做照鏡的動作）嗯！頭毛哪會發甲則長矣！聽講最近佇總統府的邊仔新開一間剃頭店，師傅是對美國來的，來去予伊剃看覓。
B大師：本大師是對「米國」來的剃頭師，因為我上爻食了米，所以逐家攏叫我「米國大師」。啊…！誠好睏（做拄睏醒伸勻、揉目睭的動作）。哼啊！中晝十二點矣！（看手錶仔）昨暝食八碗飯，即陣擱咧枵矣，緊來食飯，食飽通好來開店門做生理矣。
C大師：全世界上爻飲（lim1）茶，擱上爻C C的剃頭大師著是我，我一工愛飲一大桶的水，放一萬C.C的尿，所以逐家攏叫我「C大師」。聽講有一個美國大師誠爻剃頭，來去予伊剃看覓。
B大師：食飽矣（摸腹肚），開店做生理囉！（做探頭看外口叫人客的動作）
人客啊！入來坐喔！（C大師行入來）
C大師：美國大師！請汝共我剃即碼美國上時行的頭毛型。
B大師：好！無問題。「即聲汝知死矣！」（細聲仔講佇喙內）
C大師：哼啊！汝講啥？
B大師：無！無！無！無代誌。（開始圍巾仔、做剃頭的動作）
B大師：頭剃好勢矣！（佇C大師頭殼頂，貼十字的白紙枋）
即碼，欲共汝清耳屎矣喔！
C大師：好！好！好！多謝。（開始清耳屎）
B大師：即位大哥，汝是偌久無清耳屎矣！（共皺紋紙夾懸懸予觀眾看）
C大師：自出世到即碼50歲矣，攏毋捌清過。
B大師：喔！莫怪喔！這是汝的耳屎啦！提轉去做紀念品。
（即時陣，A大師拄好行來到店口，惦惦徛佇窗仔門邊，看美國大師咧共人客剃頭。）
A大師：哼啊！佇頭殼頂開一條高速公路，擱開一條橫貫公路，恐怖哦！緊來走啊！伊…伊伊伊……。（走離開）
（引言者、A大師、B大師、C大師做伙出場）
引言：拄才即個故事是講：「一個剃頭的（A大師），欲去予剃頭的（B大師）剃頭，看著剃頭的（C大師），予剃頭的（B大師）剃頭，剃頭的（A大師），煞毋敢予剃頭的（B大師）剃頭。」（慢版的盤喙錦兼比動作）
多謝各位。（四位做伙行禮、落台。）
（註：即齣話劇改編自蘇晏德先生的盤喙錦。）
全站熱搜
留言列表
