考試的時陣 鄭吉竣（刊佇海翁台語文學雜誌85期2009.01）
各位老師、各位同學逐家好，我是五年仁班的王榮德，今仔日我欲演講的題目是「考試的時陣」、「考試的時陣」。
考試原本是真平常的代誌，是欲予咱知影佇這段時間老師共咱教的物件，咱學會曉偌濟？啥物所在會曉？啥物所在袂曉？袂曉的所在，後擺著愛閣較認真、閣較拍拚咧。
chichun45 發表在 痞客邦 留言(1) 人氣()
李田螺的故事 （瑞祥國小校內賽第一名）演講：羅永晴 寫稿：鄭吉竣 2008.05
各位評審老師逐家好，今仔日我欲講的故事是「李田螺的故事」。
佇清朝時代，咱台灣有一个真有錢的張員外，伊有三个查某囝，大漢的佮第二的攏嫁予城內的好額人，干但賰第三的猶未嫁。這个第三查某囝，毋但生做媠閣溫柔，心肝嘛真善良，逐家攏呵咾甲會觸舌。伊佮別人無仝款，袂數想榮華富貴。張員外想欲共伊嫁予好額人，毋閣伊攏無愛。張員外真受氣講：「嫁好額人你無愛，我規氣就共你嫁予散食人」
chichun45 發表在 痞客邦 留言(3) 人氣()
我上愛讀冊 演講：周姿惠 指導：鄭吉竣（忠孝國小校內賽第一名）
各位評審老師逐家好，我是五年二班的周姿惠，今仔日，我欲演講的題目是「我上愛讀冊」「我上愛讀冊」。
有一句俗語講：「讀冊，讀冊，無讀無慼，愈讀愈慼」毋擱，我毋是按呢喔！我是愈讀愈心適，愈讀愈合意。對細漢我著真愛讀冊，毋管是尪仔冊、故事冊抑是學校教的冊，攏有無仝款的趣味，予我經驗著無仝款的世界。
chichun45 發表在 痞客邦 留言(0) 人氣()
奇怪的木屐 寫稿：鄭吉竣 講演：呂淑玲女（小三）
各位評審老師逐家好，我是○○○，今仔日，我欲講演的題目是「奇怪的木屐」「奇怪的木屐」。
佇古早古早進前，有一對翁仔某生一個查甫囡仔，怹兜雖然真散赤，毋擱逐工攏過著快樂的日子。經過無偌久，伊的阿爸煞不幸來過身，只賰伊佮阿母兩個人相依為命。佇伊八歲的時，伊的阿母煞雄雄破病甲誠傷重，伊是煩惱甲袂食袂睏、著急甲親像鼎底的蚼蟻。到尾矣，只好去求伊的阿叔，希望會當借著錢來醫治阿母的病。想未到，即個凍霜的阿叔，毋情毋願才借伊一屑屑仔錢，干礁會當拆一帖藥仔爾爾，根本無法度治好阿母的病。
chichun45 發表在 痞客邦 留言(0) 人氣()
我歇熱的生活 （講演：得寶林、寫稿：鄭吉竣）2005.03.12
各位評審老師逐家好，我是○○○，今仔日，我欲講演的題目是「我歇熱的生活」「我歇熱的生活」。
歇熱，是阮學生囡仔上歡喜的日子，因為毋免去學校讀冊，會當睏甲日頭曝尻川，嘛毋免準備考試，會當逐工無煩無惱，食甲親像阿不倒！
chichun45 發表在 痞客邦 留言(0) 人氣()
