close
真奇怪 鄭吉竣
真奇怪 哪會按呢？
大人講
囡仔烏白吵
著愛食竹仔枝炒肉絲
毋擱
怹（in1）家己
定定上街頭大聲抗議
真奇怪
哪會攏總無代誌？
真奇怪 哪會按呢？
老師講
學生烏白罵
著愛罰徛抑是罰寫字
毋擱
逐工看電視
看著教授攏罵來罵去
真奇怪
哪會攏總無代誌？
真奇怪 哪會按呢？
想過來擱想過去
喔
敢是
阮猶擱細漢
等阮大漢才會使按呢？
抑是
等阮讀到教授才會使按呢？
註解：烏白吵：胡亂吵。竹仔枝炒肉絲：用藤條鞭打。怹：他們。定定：常常。罰徛：罰站。逐工：每天。敢是：難道是。猶擱細漢：年紀還小。抑是：還是。
全站熱搜
留言列表
