原生植物園 鄭吉竣2006.11.12
植物園，號原生，著知影，是土種。
佇台灣，自然生，在地大，鄉土情。
山棕樹，笚鬚鬚，剝規堆，做棕簑。
葉掛柄，縛規束，小可修，做掃帚。
果澀澀，人毋食，圓面猴，上愛食。
果子籽，會清血，果字皮，顧身體。
血桐椏，若剉斷，著流汁，汁通光。
小等下，紅絳絳，人叫伊，流血桐。
血桐花，色青青，母花少，公花濟。
花結籽，若必開，色烏烏，金鑠鑠。
血桐葉，血桐皮，會當做，防腐劑。
血桐柴，輕擱軟，做柴枋，起厝用。
小朋友，愛構樹，葉毛毛，黏身軀。
梅花鹿，上愛食，嘛叫做，鹿仔樹。
粗樹皮，做粗紙，幼樹皮，印錢紙。
公花長，母花圓，熱天開，濟擱媠。
花結果，成熟時，若生食，有甜味。
果子籽，壯筋骨，顧目睭，擱開脾。
構樹根，傷科藥，若水腫，會利尿。
規叢樹，攏是寶，好資源，愛保惜。
植物園，佇左營，咱用心，來共疼。
大朋友，囡仔兄，手牽手，鬥陣行。
全站熱搜
留言列表
