阿寶的部落格

哀章 維 中華民國一百年十一月廿九(舊曆十一月初五) 不孝男　吉竣、吉成、不孝女　雪惠、不孝媳春菊、葵容佮規家大細 謹以鮮花、素果、素齋致祭佇母親大人靈前曰 感 謝 媽 媽 你 的 愛，你 辛 辛 苦 苦 十 月 懷 胎， 自 細 漢 共 阮 搦 尿 佮 搦 屎，向 望 阮 大 漢 會 好 將 才， 無 奈 厝 散， 無 錢 予 你 補 月 內，阮 吸 無 奶 水 大 聲 哀， 彼 當 陣 你 嘛 干 焦 會 當 講 :乖 囝 的 毋 通 哭 ，乖! 乖 !乖。 感 謝 媽 媽 你 的 愛，你 為 阮 付 出 的 一切 阮 攏 知， 你 日 時 穡 頭 逐 項 來，閣 愛 偝 阮 煮 飯 菜， 暝 拖 日 磨 身 體 害，消 瘦 落 肉 上 驚 去 拄 著 風 颱， 你 無 手 無 頭 有 夠 悲 哀，身 苦 病 痛 著 愛 忍 耐， 因 為 無 錢 通 好 買 藥 材，定 定 覕 佇 房 間 內 流 目 屎， 有 時 艱 苦 甲 擋 袂 牢 哭 出 來，有 時 強 忍 吞 腹 內， 你 無 怪 大 家 歹 款 待，只 怪 家 己 運 命 禾黑， 媽 媽 !你 的 疼 心 佮 你 的 愛，阮 攏 感 恩 在 心 內。 媽 媽 你 實 在 真 偉 大! 四 書 五 經 無 熟 似，人 情 義 理 誠 瞭 解， 有 孝 序 大 勤 奉 待，疼 惜 序 細 無 限 愛， 三 從 四 德 照 步 來，心 地 善 良 食 長 齋， 逐 工 燒 香 佮 拜 拜，佛 號 禮 節 無 瞭 解， 一 暝 一 字 慢 慢 仔 來，一 字 唸 欲 百 外 擺， 定 定 走 音 笑 咍 咍，唸 了 走 音 閣 再 改， 改 甲 哈 唏 撐 下 頦，你 的 虔 誠 天 神 知， 你 的 善 良 天 神 愛，助 你 佛 號 記 在 在。 較 早 艱 苦 強 忍 耐，向 望 食 老 好 命 來， 有 後 生 新 婦 通 款 待，會 當 輕 鬆 閣 自 在， 啥 知 運 命 遮 爾 禾黑，半 暝 跋 倒 佇 浴 間 內， 龍 骨 著 傷 peh袂 起 來，大 聲 喝 咻 阮 才 知， 要 緊 載 你 去 蹛 院 食 藥 材，行 路 著 愛 靠 攑 柺， 拄 才 小 可 較 清 彩，哪 知 舊 年 佇 門 口 閣 跋 一 擺， 摔 斷 正 手 誠 厲 害，坐 袂 牢 嘛 徛 袂 在， 袂 當 家 己 行 去 放 尿 佮 放 屎，洗 身 軀 嘛 愛 序 細 來， 阮 愛 上 班 趁 錢 財，毋 知 欲 按 怎 來 安 排 ， 好 得 爸 爸 佇 厝 內，共 你 照 顧 佮 疼 愛， 又 閣 小 可 較 清 彩，哪 知 今 年 八 月 佇 灶 跤 閣 跋 一 擺， 摔 斷 倒 手 逐 工 哀，你 拜 託 醫 生 開 上 好 的 藥 材， 最 近 已 經 好 甲 行 會 在，規 家 有 講 有 笑 歡 喜 笑 咍 咍。 啥 知 十 一 月 二 十 早 起，你 雄 雄 回 天 繳 旨， 阮 閣 較 按 怎 毋 甘 嘛 愛 接 受 佮 祝 福 你， 祝 福 你 功 圓 果 滿 倒 轉 去 老 母 娘 的 身 軀 邊， 媽 媽 !阮 足 想 你，最 近 一 年 來 你 逐 工 都 笑 微 微， 坐 佇 廰 頭 的 輪 椅，共 出 出 入 入 的 翁 婿 佮 序 細 講: 你 欲 去 佗 位?出 門 愛 細 膩。小 弟 吉 成 逐 工 攏 來 陪 你， 陪 你 復 健 佇 客 廳 行 來 行 去，伊 欲 離 開 的 時， 你 逐 擺 都 講:bai-bai!明 仔 載 才 閣 來。 媽 媽 ! bai-bai!才 閣 來。這 句 話 阮 已 經 聽 幾 偌 百 擺， 這 馬 換 阮 規 家 大 大 細 細 欲 共 你 講 一 聲: 媽 媽 bai-bai!夢 中 才 閣 來。 嗚呼！哀哉! 尚饗!