阿寶的部落格

無仝款的頭路 大樹國小五年生班級仿作 指導老師:鄭楷寶 (刊佇海翁台語文學雜誌133期2013.01) 五年忠班 阿媽咧賣紅柿 阿公咧做喙齒 阿姨咧賣手機 阿伯咧刣豬 阿叔咧修理冷氣 各人的頭路攏無仝 逐家攏做甲笑微微 五年孝班 阿舅咧做廚子 阿姨咧開百貨公司 阿伯咧做總經理 阿叔咧排夜市 阿兄咧做拍火兄弟 各人的頭路攏無仝 逐家攏做甲真順序 五年仁班 阿爸咧賣花枝 阿叔咧駛飛行機 阿公咧做童乩 阿舅咧開病院 阿姨咧烘番薯 各人的頭路攏無仝 逐家攏做甲趁大錢 五年愛班 阿舅咧賣電視 阿母咧做藤椅 阿姨咧賣魚 阿公咧飼鱉 阿媽咧種破子 各人的頭路攏無仝 逐家攏做甲真滿意 五年信班 阿姨咧賣翕相機 阿媽咧飼豬 阿爸咧種荔枝 阿母咧賣冰枝 阿舅咧掠魚 各人的頭路攏無仝 逐家攏做甲真順利 備註:本文仿真平閩南語讀本第9冊第一課無仝款的頭路，全班集體創作。